Муроджоннинг олтини сабаб кучли саккизликдан жой олдик + Жадвал

Умумий мукофот жамғармаси 100 000 АҚШ долларини ташкил этган йилнинг илк мусобақасида Ўзбекистон терма жамоасининг 11 нафар дзюдочиси ҳам медаллар ҳамда рейтинг очколари учун татамига чиқди. -73 кг вазнда курашган Муроджон Йўлдошев ушбу турнирда терма жамоамизнинг ягона олтин медалини қўлга киритди. 

Таъкидлаш жоиз, Португалия Гран-присида етакчи дзюдочиларимиз иштирок этишмади. Улар мусобақа бўлаётган пайтда Илиас Илиадис бошчилигида Тошкентда машғулот ўтказишаётганди. Беш нафар дзюдочимиз келаси ҳафта Парижда ўтадиган "Катта Дубулға" турнирига ҳозирлик кўришяпти. 

Йўлдошевнинг ягона олтин медали сабаб Ўзбекистон терма жамоаси Португалия Гран-присида 46 давлат ораисда умумжамоа ҳисобида кучли саккизталикдан жой олди. Биздан юқорида жойлашган Бельгия, Молдова, Бразилия ва Хорватия терма жамоаларида ҳам бир нафардан чемпион бўлган.