30 апр 08:04
Янгиликлар

Теннис

Mutua Madrid Open. Эмма Радукану ғалаба билан бошлади

Испания пойтахти Мадрид шаҳрида теннис бўйича нуфузли WTA турнири давом этмоқда.

Британиялик теннис маликаси Эмма Ражукану Mutua Madrid Open мусобақасидаги иштирокини ғалаба билан бошлади. Сайёрамизнинг 11-рақамли теннис маликаси илк давра учрашувида WTA рейтингида 49-поғонадан жой олиб турган чехиялик Тереза Мартинцовани мағлуб этди - 7/6(3), 6/0.

Тўқсон саккиз дақиқа давом этган баҳсда 19 ёшли Эмма 2 та, Тереза эса 1 та эйс зарбасини ижро этган. Теннисчилар ўзаро иккинчи маротаба тўқнаш келишди - 2:0. Қизиғи, биринчи сетда Радукану 2/5 ҳисобида ютқазаётганди. Энди у иккинчи даврада украиналик Марта Костюкка қарши кортга чиқади. Марта илк босқичда даниялик Клара Таусондан 6/3, 6/2 ҳисобида устун келган.