30 апр 09:49
Янгиликлар

Теннис

Mutua Madrid Open. Рақибасига битта гейм берган Свёнтек 1/4 финалда

Сайёрамизнинг биринчи ракеткаси Ига Свёнтек Мадридда давом этаётган WTA 1000 тоифасига кирувчи нуфузли турнирнинг чорак финал иштирокчисига айланди.

Польшалик теннис маликаси тўртинчи даврада WTA рейтингининг 55-поғонасида бораётган испаниялик Сара Соррибес-Тормога биттагина геймни ютиб олиш имкониятини берди, холос - 6/1, 6/0. Теннисчиларнинг ўзаро учрашувларидаги ҳисоб янада йириклашди - 4:0.

Ига Свёнтек 67 дақиқалик баҳс давомида эйс зарбасини ижро этмаган бўлса-да, 6 та брейкни амалга оширишга муваффақ бўлди. Энди у 1/4 финалда бразилиялик Беатрис Хаддад-Майяга қарши кортга чиқади.