14 окт 10:15
Янгиликлар

Теннис

Надаль ғалабалар сони бўйича Агассига етиб олди

Дунёнинг биринчи ракеткаси Рафаэль Надаль Шанхайда давом этаётган ATP 1000 тоифасидаги турнирнинг чорак финалида болгариялик Григор Димитровни мағлуб этди.

Бу испаниялик ракетка устаси учун фаолиятидаги 870-ғалаба эди. Надаль айни шу кўрсаткичи билан афсонавий Андре Агассига етиб олди. Бу борада пешқадам Жимми Коннорс ҳисобланади. Унинг ҳисобида 1256 та ғалаба бор.

Маълумот учун, Рафа Надалдан олдинги ўринларни теннис юлдузлари Рожер Федерер (1121), Иван Лендл (1068), Гильермо Вилас (929), Жон Макинрой (877) эгаллаб турибди.