Надаль Истоминни мағлуб этган кореялик теннисчини тўхтатди

Соврин жамғармаси 2 428 355 еврони ташкил қилувчи мусобақада чорак финал учрашувлари ўтказилди. Турнирнинг амалдаги ғолиби испаниялик Рафаэль Надаль кореялик Хен Ченни 7:6(1), 6:2 ҳисобида мағлуб этди.

Ҳамюртимиз Денис Истомин ушбу турнирнинг илк даврасида айнан кореялик теннисчига 4:6, 4:6 ҳисобида имкониятни бой бериб қўйган эди. Дунёнинг биринчи рақамли теннисчиси британиялик Энди Маррей эса испаниялик Альберт Рамос-Винолласдан 2:6, 6:4, 7:6 (4) ҳисобида устун келди.

Чорак финал натижалари:

Доминик Тим (Австрия, 4) – Юити Сугита (Япония) – 6:1, 6:2

Энди Маррей (Буюк Британия, 1) – Альберт Рамос-Виноллас (Испания, 10) – 2:6, 6:4, 7:6 (4)

Рафаэль Надаль (Испания, 3) – Хен Чен (Жанубий Корея) – 7:6 (1), 6:2

Орасио Себальос (Аргентина) – Карен Хачанов (Россия) – 6:4, 6:1

Ярим финал жуфтликлари:

Энди Маррей (Буюк Британия, 1) – Доминик Тим (Австрия, 4)

Рафаэль Надаль (Испания, 3) – Орасио Себальос (Аргентина)