Надаль “Мастерс”даги юришини тўхтатишга мажбур бўлди

Бунга испаниялик ракетка устасининг жароҳати сабаб бўлди. Надаль чорак финал учрашувида саралаш баҳслари ғолибларидан бири сербиялик Филипп Краинович билан учрашиши керак эди. Лекин тиззасидаги жароҳат Рафага кортга чиқишига имкон бермади.

“Мен Лондондаги йилнинг Якуний турнирига тайёр ҳолатда бориш учун бор имкониятимни ишга соламан. Аслида бундан аввалги учрашувларимни ҳам тиззамдаги оғриқ билан ўтказдим. Энди таваккал қила олмайман”, – деди Надаль.

Эслатиб ўтамиз, ҳар қандай ҳолатда ҳам Рафаэль Надаль 2017 йилни дунёнинг биринчи ракеткаси сифатида якунлайди.