Надаль: "Мотивация етишмаяпти? Бу томонлама муаммо йўқ"

"Хар бир турнир мен учун катта аҳамиятга эга. Янги турнир олдидан менда битта вазифа бўлади: сифатли теннис кўрсатиб, юқори натижага эришиш.

Кўп маротаба жароҳатлардан азият чекканман. Лекин, шунга қарамай теннисга бўлган муҳаббатим сабаб ўйнашда давом этяпман. Менимча шу энг асосийси. Мотивация етишмаслигидан хавотир олмаяпман. Аҳир, мен ҳалиям теннис ўйнашни севаман.

Пекинда кўплаб кучли тенничилар қатнашади. Биринчи даврадаёқ менга кучли рақиб тўқнаш келади: Люка Пуйе. Илк ўйинга яхши тайёргарлик кўришга ҳаракат қиламан", - дейди Надаль.