02 ноя 08:15
Янгиликлар

Теннис

Надаль Париж “Мастерс” 1/2 финалида!

Франция пойтахти Париж шаҳрида теннис бўйича “Мастерс” сериясига кирувчи нуфузли турнир давом этмоқда.

Сайёрамизнинг иккинчи ракеткаси Рафаэль Надаль мусобақанинг ярим финал иштирокчисига айланди. Испаниялик теннис юлдузи чорак финал учрашувида рейтингнинг 35-поғонасидан жой олган франциялик Жо-Вилфрид Цонгадан устун келди.

Грунт қироли 1 соату 35 дақиқа давом этган баҳсда мезбон теннисчини 7/6(4), 6/1 ҳисобида мағлуб этди. Бу вақт оралиғида 33 ёшли Надаль 7, 34 яшар Цонга эса 8 та эйс зарбасини амалга оширди. Ўзаро учрашувлардаги ҳисоб Надаль фойдасига - 11:4 кўринишига келди. Энди Рафа Rolex Paris Masters турнирининг 1/2 финалида канадалик Денис Шаповаловга қарши кортга чиқади.