17 май 06:47
Янгиликлар

Теннис

Надаль vs Жокович: Рим финалида кимнинг қўли баланд келди?

Италия пойтахти Рим шаҳрида теннис бўйича "Мастерс" сериясига кирувчи нуфузли ATP турнири якунланди.

Internazionali BNL D'Italia турнири бош соврин учун баҳсда дунёнинг биринчи ракеткаси, сербиялик Новак Жокович ҳамда учинчи ракетка, испаниялик Рафаэль Надаль ўзаро тўқнаш келишди. Икки соату 50 дақиқа давом этган баҳсда Надалнинг қўли баланд келди - 7/5, 1/6, 6/3.

Финалда Надаль 3 та эйс, 3 та брейкни амалга оширди ва бир бор қўшхатога йўл қўйди. Жоковичда эса эйслар сони 5 тани ташкил этди. Рафа ўзаро учрашувлардаги ҳисобни минимал даражага қисқартириб олди - 28:29.

Римдаги муваффақиятли иштирок Рафаэль Надалга 245,085 евро мукофот пули ҳамда 1000 рейтинг очкосини тақдим этди. Жокович эса Римдаги иштирокидан 145,000 евро ва 600 очко ишлаб олди.