Надаль: "Яна Федерерга қарши ўйин кўрсатишга тайёрман"

"Битта фактни аниқ биламан. Бу ерда хеч қачон ғолиб чиқа олмаганман. Бошқа томондан, мен ушбу турнирга йўл олган барча мавсумда мусобақа битта жойда ўтказилган.

Хар бир турнирга тўлиқ тайёр бўлишга ҳаракат қиламан, жумладан ушбу мусобақага ҳам. Агар ўз кучимга ишонмаганимда бу ерга келмасдим. Ўйинларга тайёр бўлиш учун хар куни қаттиқ ишладим.

Айни пайтда ўйнашни истайман ва ўйнайман ҳам", - дейди Надаль.

Бундан ташқари у жорий мавсумдаги баҳсларда Рожерга барча ўйинларда ютқазиб қўйгани ҳақидаги саволларга жавоб бериб ўтди.

"Биз у билан фақат Рожерга мос келадиган кортларда ўйин ўтказдик. Мен бунга ҳотиржам қарайман ва барча мусобақада иложи борича узоққа боришни истайман. Федерерга қарши кортга чиқишга тайёрман. Агар Лондонда биз ўзаро ўйин ўтказадиган бўлсак, менда имконият бўлади", - деб қўшимча қилиб ўтди спортчи.