07 июн 12:34
Янгиликлар
Теннис
Наманган “Фьючерс”. Абдураимова чорак финалга чиқди
Бугун Наманган шаҳри мезбонлик қилаётган теннис бўйича “Фьючерс” туркумига кирувчи турнирнинг иккинчи давра учрашувлари бўлиб ўтмоқда.
Соврин жамғармаси 25 000 АҚШ долларни ташкил қилувчи мусобақанинг хотин-қиз теннисчилари ўртасидаги баҳсларида учинчи рақам остида таснифланган Нигина Абдураимова ҳозиргина якунига етган учрашувда чорак финал чиптасини қўлга киритди.
Ҳамюртимиз иккинчи даврада грузиялик Марьям Болквадзега қарши кортга чиқди. Икки соату 9 дақиқа давом этган учрашувнинг учинчи сети бешинчи геймидан сўнг Болквадзе баҳсни давом эттира олмаслигини маълум қилди.
Биринчи сетда грузиялик теннисчи 6:4 ҳисобида ғалаба қозонган эди. Иккинчи сетда Нигина тай-брекда зафар қучди. Ҳал қилувчи учинчи сетнинг бешинчи геймидан сўнг Абдураимова 3:2 ҳисобида олдинда бораётганди.
Ҳавола :
Манба : olamsport.com
Фикрлар