06 июн 16:03
Янгиликлар
Теннис
“Наманган Фьючерс”. Абдураимова иккинчи даврага йўл олди
Наманган шаҳрида ўтказилаётган теннис бўйича “Фьючерс” туркумига кирувчи турнирнинг асосий тўр баҳслари давом этмоқда.
Соврин жамғармаси 25 000 АҚШ долларни ташкил қилувчи мусобақада биринчи давра учрашувлари ўтказиляпти. Турнирда учинчи рақам остида таснифланган Нигина Абдураимова ўз баҳсида ғалабага эришиб, иккинчи даврага йўл олди.
Дунё рейтингида 193-ўринни эгаллаб турган ҳамюртимиз 1 соату 28 дақиқа давом этган учрашувда россиялик Анастасия Гасановани 6:3, 6:2 ҳисобида мағлуб этди. 18 ёшли Гасанова WTA рейтингида 441-поғонадан жой олган.
Афсуски, тажрибали теннисчиларимиз Оқгул Омонмуродова ҳамда турнирнинг биринчи ракеткаси бўлган Сабина Шарипова биринчи даврада мағлубиятга учраб, яккаликдаги иштирокларини якунлашди.
Ҳавола :
Манба : olamsport.com
Фикрлар