Наманган “Фьючерс”. Асосий тўрда 8 теннисчимиз, ҳозирча

“Дўстлик” кортлари мезбонлик қилаётган мусобақанинг соврин жамғармаси 25 000 АҚШ долларини ташкил қилади. Турнирнинг саралаш баҳсларида оз эмас, кўп эмас 25 нафар теннисчимиз ўз имкониятини синовдан ўтказяпти.

Бугун саралаш босқичининг финал учрашувлари бўлиб ўтади. Тўғридан-тўғри асосий тўрда қатнашиш ҳуқуқини 8 нафар теннисчимиз қўлга киритган. Улар орасида Санжар Файзиев биринчи ракетка сифатида эътироф этилган.

Файзиевдан ташқари асосий тўр баҳсларида ҳамюртларимиздан Темур Исмоилов, Сергей Фомин, Шониғмат Шофайзиев, Павел Цой, Шаробиддин Абзалов, Саидаъло Саидкаримов ва Шоҳрух Абдумаликов иштирок этади. 

Эслатиб ўтамиз, мамлакатимизнинг иккинчи ракеткаси бўлган Файзиев шанба куни Андижонда якунланган “Фьючерс” турнирида бош мукофот соҳибига айланган эди.