Наманган “Фьючерс”. Бугун Нигина, Сабина, Оқгул бошлашади

Соврин жамғармаси 25 000 АҚШ долларни ташкил қилувчи мусобақанинг асосий тўр баҳсларида 8 нафар теннисчимиз иштирок этаётганди. Улардан икки нафари мағлубиятга учради.  

Асосий тўрга имтиёзли йўлланма асосида қўйилган теннисчиларимиз - Ясмина Каримжонова ҳиндистонлик Каур Карман Тандига 6:7(1), 2:6, Валентина Шлейн қозоғистонлик Камила Керимбаевага 1:6, 1:6 ҳисобида имкониятни бой бериб қўйди.

Бугун мамлакатимизнинг етакчи теннисчилари Сабина Шарипова, Нигина Абдураимова ва Оқгул Омонмуродова турнирдаги иштирокларини бошлашади. Нигина Наманган турнирининг биринчи ракеткаси сифатида ҳаракат қилади. Унинг илк даврадаги рақибаси ўтган ҳафта Андижонда бўлиб ўтган турнир вице-чемпиони россиялик Анастасия Фролова бўлади.

Теннисчиларимизнинг 1-даврадаги рақибалари:

Сабина Шарипова (1) – Анастасия Фролова (Россия)

Нигина Абдураимова (3) – Анастасия Гасанова (Россия)

Оқгул Омонмуродова – Ксения Ликина (Россия, 4)

Полина Меренкова – Алина Силич (Россия)

Камола Умарова – Гўзал Айнитдинова (Қозоғистон)

Арина Фольц – Ольга Пучкова (Россия)