07 июн 08:24
Янгиликлар

Теннис

Наманган “Фьючерс”. Файзиев чорак финалга чиқди, бугунги рақиб 1-ракетка!

Ўтган ҳафта Андижондаги мусобақада чемпионга айланган Санжар Файзиев Наманган “Фьючерс” турниридаги иккинчи ғалабасига эришди.

Мусобақада еттинчи рақам остида ҳаракат қилаётган ҳамюртимиз иккинчи давра учрашувида россиялик Михаил Фуфигинга қарши баҳс олиб борди. Биринчи сет 6:4 ҳисобида Фуфигин фойдасига ҳал бўлди. Иккинчи сетда Файзиев 6:3 ҳисобида зафар қучди.

Ҳал қилувчи учинчи сетнинг бешинчи геймидан сўнг Михаил баҳсни давом эттира олмаслигини маълум қилди. Бу пайтга келиб Санжар 4:1 ҳисобида ғалаба қозонаётганди. Энди Файзиев турнирнинг биринчи ракеткаси туркиялик Кем Илкелга қарши кортга чиқади. Ҳамюртимиз Андижондаги турнирда Илкелни мағлуб эта олганди.