08 июн 10:20
Янгиликлар

Теннис

Наманган “Фьючерс”. Файзиев ва Султонов финалда!

Наманган шаҳрида теннис бўйича соврин жамғармаси 25 000 АҚШ долларидан иборат бўлган “Фьючерс” турнири давом этмоқда.

Мусобақанинг жуфтлик баҳсларида финал иштирокчилари маълум бўлди. Санжар Файзиев ва Ҳумоюн Султоновдан иборат ўзбекистонлик теннисчилар жуфтлиги бош мукофот учун курашни муваффақиятли давом эттиришяпти.

Кеча улар ярим финал учрашувида турнирнинг биринчи рақамли жуфтлиги - украиналик Владислав Манафов ҳамда россиялик Владимир Поляковга қарши кортга чиқиб, 6:4, 2:6, тай-брекда 10:2 ҳисобида зафар қучишди.

Ҳумоюн ва Санжарнинг бош мукофот учун баҳсдаги рақиблари россиялик теннисчилар Константин Кравчук ҳамда Роман Сафиулин бўлади. Улар ярим финалда туркиялик теннисчилардан иборат турнирнинг тўртинчи рақамли жуфтлиги Кэм Илкел ва Анил Юкселдан 6:2, 3:6, тай-брекда 10:3 ҳисобида устун келишди.