11 июн 11:10
Янгиликлар

Теннис

Наманган “Фьючерс”. Полина Монова - турнир ғолибаси!

Наманган шаҳри мезбонлик қилган теннис бўйича “Фьючерс” туркумига кирувчи турнир якунланди.

Хотин-қиз теннисчилар мусобақасида бош мукофот Полина Моновага насиб этди. Турнирда иккинчи рақам остида ҳаракат қилган россиялик теннисчи ҳал қилувчи финал учрашувида қозоғистонлик Гўзал Айнитдиновага қарши кортга чиқди.

Уч сет давом этган баҳсда Монова 1:6, 6:1, 6:2 ҳисобида зафар қучиб, Наманган “Фьючерс” турнири ғолибасига айланди. Теннисчиларимиздан энг яхши натижага Нигина Абдураимова эришди. У чорак финалда ҳиндистонлик Каур Карман Тандига 6:7(5), 3:6 ҳисобида ютқазиб қўйганди.