Наманган “Фьючерс”. Сабина Шарипова бош мукофот соҳибаси!

Ҳозиргина соврин жамғармаси 25 000 АҚШ долларини ташкил қилувчи ушбу мусобақанинг хотин-қиз теннисчилари ўртасидаги яккалик баҳсларида чемпион номи маълум бўлди. 

Қувонарлиси, ҳал қилувчи финал учрашувида ҳамюртимиз Сабина Шарипова ғалаба қозониб, бош мукофот соҳибасига айланди. Турнирда биринчи рақам остида таснифланган Шарипованинг рақибаси Ирина Шиманович бўлди. 

Уч дақиқаси кам 1 соат давом этган финал беллашувида Шарипова Шимановични 6:1, 6:1 ҳисобида мағлуб этиб, Наманган “Фьючерс” чемпионига айланди. Сабина ўтган ҳафта Андижондаги турнирда ҳам бош мукофотни қўлга киритганди. 

Таққослаш учун, Сабина Шарипова дунё рейтингида 169, 20 ёшли Ирина Шиманович эса 518-ўринни эгаллаб турибди. Кеча Сабина ярим финалда яна бир юртдошимиз Нигина Абдураимовани уч сет натижасига кўра таслим эта олганди.