09 июн 10:11
Янгиликлар

Теннис

Наманган “Фьючерс”. Шарипова бош мукофот учун кортга чиқяпти

Бугун Наманган шаҳридаги “Дўстлик” кортларида ўтказилаётган теннис бўйича “Фьючерс” туркумига кирувчи турнир ўз якунига етади.

Соврин жамғармаси 25 000 АҚШ долларини ташкил қилувчи ушбу мусобақанинг яккалик баҳсларида бугун чемпион номи аниқланади. Ҳозиргина бош мукофот учун баҳс бошланди ва унда ҳамюртимиз Сабина Шарипова кортга чиқмоқда.

Турнирда биринчи рақам остида таснифланган Шарипованинг рақибаси Ирина Шиманович бўляпти. Биринчи сетнинг иккинчи геймидан сўнг Сабина 2:0 ҳисобида олдинга чиқиб олди. Кеча беларуслик теннисчи ярим финалда турнирнинг олтинчи ракеткаси словакиялик Кайя Юванни 6:4, 0:6, 6:4 ҳисобида мағлуб этди.

Таққослаш учун, Сабина Шарипова дунё рейтингида 169, 20 ёшли Ирина Шиманович эса 518-ўринни эгаллаб турибди. Кеча Сабина ярим финалда яна бир юртдошимиз Нигина Абдураимовани уч сет натижасига кўра таслим эта олганди.