06 июн 08:09
Янгиликлар

Теннис

Наманган “Фьючерс”. Шарипова ғалаба билан бошлади

Наманган шаҳридаги “Дўстлик” кортларида теннис бўйича “Фьючерс” туркумига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи ушбу мусобақанинг яккалик баҳсларида иккинчи давра иштирокчилари маълум бўлди. Турнирнинг биринчи ракеткаси сифатида қайд этилган ҳамюртимиз Сабина Шарипова ўз иштирокини ғалаба билан бошлади.

Мамлакатимизнинг биринчи рақамли теннисчиси биринчи босқич учрашувида россиялик Анастасия Фроловага қарши кортга чиқди. Уч сет давом этган баҳсда Шарипова рақибасини 2:6, 6:4, 6:2 ҳисобида мағлуб этди.

Энди Сабина чорак финал чиптаси учун яна бир россиялик теннисчи Екатерина Вишневскаяга қарши кортга чиқади. Вишневская илк даврада беларуслик Илона Кремендан 6:2, 6:3 ҳисобида устун келди.