09 сен 08:39
Янгиликлар

Теннис

Наоми Осака US Open-2018 турнири ғолибаси!

АҚШнинг Нью-Йорк шаҳрида "Катта Дубулға" туркумига кирувчи US Open мусобақасининг хотин-қиз теннисчилари ўртасидаги турнири якунланди.

Ҳал қилувчи финал учрашувида дунёнинг 19-ракеткаси Наоми Осака WTA рейтингида 26-ўринни эгаллаб турган америкалик Серена Уильямсга қарши кортга чиқди.

Бир соату 19 дақиқа давом этган баҳсда 20 ёшли япониялик теннисчи 36 ёшли номдор рақибасини ортиқча қийинчиликсиз 6:2, 6:4 ҳисобида мағлуб этиб, бош мукофот соҳибасига айланди.