17 июн 12:26
Янгиликлар

Теннис

Nature Valley Open. Финалда Конта ва Барти ўйнайди

Буюк Британиянинг Ноттингем шаҳрида ўтказилаётган хотин-қиз теннисчилар ўртасидаги турнир ўз якунига етиб келмоқда.

Бугун мусобақада финал учрашуви ўтказилади. Унда британиялик Йоханна Конта австралиялик Эшли Бартига қарши кортга чиқади. Дунёнинг 22-ракеткаси бўлиб турган Конта ярим финал учрашувида хорватиялик Донна Векични 6:2, 6:3 ҳисобида мағлуб этди.

Иккинчи ярим финал баҳсида эса WTA рейтингида 17-ўринни эгаллаб турган Эшли Барти рейтингда ўзидан бир поғонагина пастда жойлашган япониялик Наоми Осакадан 6:3, 6:4 ҳисобида устун келди.