19 фев 07:06
Янгиликлар

Бошқалар

Навоийда кучли армрестлингчилар аниқланди

Навоий ихтисослаштирилган олимпия захиралари мактаб-интернати спорт залида армрестлинг бўйича 1998-2000 йилларда туғилган спортчилар ўртасида Ўзбекистон чемпионати бўлиб ўтди.

Мусобақада Тошкент, Жиззах, Самарқанд, Бухоро, Наманган, Андижон, Сурхондарё, Хоразм, Фарғона, Навоий вилоятлари ҳамда Тошкент шаҳридан жами 300 нафар ўғил-қиз иштирок этди. Иштирокчиларнинг 80 нафари қизлар эканини алоҳида таъкидлаб ўтиш мумкин.

Муросасиз курашларга бой кечган чемпионат якунларига кўра, умумжамоа ҳисобида 1-ўринни Самарқанд, 2-ўринни Навоий ва 3-ўринни Тошкент вилояти жамоалари эгаллашди.

Ғолиб ва совриндорларга Навоий вилояти Жисмоний тарбия ва спорт бошқармаси ҳамда вилоят армрестлинг федерацияси томонидан дипломлар, эсдалик совғалари топширилди.