19 сен 16:01
Янгиликлар
Дзюдо
Навоийда Ўзбекистон чемпионати қатнашчилари аниқланди
17-18 сентябрь кунлари Навоий ихтисослаштирилган Олимпия захиралари мактаб-интернатида спортнинг дзюдо туридан 2006-2007 йилларда туғилган ўсмирлар ўртасида вилоят биринчилиги ўтказилди.
Ушбу мусобақа ғолиблари шу йилнинг октабр ойида Бухоро вилоятида ўтиши режалаштирилган Ўзбекистон чемпионатида Навоий вилояти шарафини ҳимоя қилишади.
Беллашувларда жами 83 нафар иштирокчи қатнашди ва улардан 11 нафарини қизлар ташкил этди. Унда вилоятнинг Қизилтепа, Навбаҳор, Кармана, Нурота, Учқудуқ, Томди ҳамда Навоий шаҳри ёш спортчилари ғолиблик учун баҳс олиб бордилар.
Қизғин ва муросасиз ўтган мусобақа ғолиблари диплом, медаль ҳамда эсдалик совғалари билан тақдирланишди.
Ҳавола :
Манба : minsport.uz
Фикрлар