20 апр 20:48
Янгиликлар

Баскетбол

NBA. Девид Бекхэм ва унинг қизи ташриф буюрган "Майами" - "Аталанта" ўйинида мезбонлар ғалаба қозонишди

Теглар : NBA

Майами шаҳридаги (АҚШ) "FTX Arena"да NBA плей-офф cерияси Шарқий конференцияси 1/4 финалининг иккинчи ўйини бўлиб ўтди.

Унда "Майами Хит" "Атланта Хокс"ни қабул қилди. Учрашув мезбонларнинг 115:105 ҳисобидаги ғалабаси билан якунланди.

Ҳужумчи Жимми Батлер 45 очко, 5 рибанд ва 5 самарали узатмани амалга ошириб, "Майами"нинг ғалабасига энг катта ҳиссани қўшди. Сербиялик баскетболчи Богдан Богданович 29 очко, 4 рибанд ва 3 самарали узатма билан "Атланта" да энг яхши ўйин кўрсатди.

Бу жамоалар ўртасидаги серияда 2:0 ҳисоби қайд этилди, "Майами" фойдасига. Учинчи ўйин 23 апрель, шанба куни Атлантада бўлиб ўтади. Учрашув Тошкент вақти билан соат 4:00 да бошланади.

Эслатиб ўтамиз, NBA мунтазам мавсумида "Майами" Шарқий конференция турнир жадвалида биринчи, "Атланта" эса саккизинчи ўринни эгаллаган эди.

Шунингдек, жамаолар ўртасидаги учрашувни футбол афсонаси Девид Бекхэм ва уни қизи аренадан кузатиб боришди. Ушбу ўйинда улар "Майами Хит" жамоасига мухлислик қилишди.