NBA. Дюрант етакчилигидаги «Бруклин Нетс» «Бостон Селтикс»га плей-офф сериясидаги иккинчи ўйинда ҳам мағлуб бўлди

Унда «Бостон Селтикс» «Бруклин Нетс»ни қабул қилди. Учрашув мезбонларнинг 114:107 ҳисобидаги ғалабаси билан якунланди ва бунинг эвазига «Селтикс» жамоаси серияда олдинга чиқиб олди – 2:0.

«Бостон»нинг ғалабасига энг катта ҳиссани ҳимоячи Жейлен Браун қўшди, у 22 очко ва 4 рибанд ва 5 самарали узатмани амалга оширди, Жейсон Татум эса 19 очко, 6 рибанд ва 10 ассистликни қайд этди. «Бруклин» сафида Кевин Дюрант 27 очко, 4 рибанд ва 5 самарали узатма билан энг сермаҳсул ўйинчи бўлди. 

Сериянинг учинчи ўйини 24 апрель, якшанба куни Нью-Йоркдаги (АҚШ) «Barclays Center» аренада бўлиб ўтади. Учрашув Тошкент вақти билан соат 16:30да бошланади.

Эслатиб ўтамиз, «Бостон Селтикс» мунтазам мавсумни учинчи, «Бруклин Нетс» эса еттинчи ўринда якунлаганди.