NFC 44. Вакилларимиз иштирокидаги жанглар натижаси битта саҳифада

Ҳилола Собированинг қозоғистонлик Жанел Набиевага қарши жанги тўлиқ давом этди. Ушбу қарама-қаршиликда ҳакамларнинг якдил қарори билан вакиламиз ғалаба қозонди.

Прелим карддан ўрин олган Илёсжон Ҳасановнинг мезбонлар вакили Бағлан Жаханшага қарши қизиқарли жангида қозоғистонликнинг қўли баланд кўтарилди.

Биринчи ярим енгил вазн тоифасидаги вакилимиз Ислом Жумаев (2-1-0) ҳамда россиялик Наби Ашуралиев (6-1-0) ўртасидаги жанг муддатидан якунланди. Ашуралиев тўқнашувнинг дастлабки раундида ҳамюртимизни бўғиш услубида мағлуб этди.

Оғир вазн тоифасидаги ҳамюртимиз Обид Собиров ҳамда россиялик Марат Алиасхабов иштирокида жангнинг дастлабки раундида россиялик ММА устаси Собировни техник нокаутга учратди.

Оқшомнинг марказий жангида лига чемпионлик камари учун ҳамюртимиз Фарҳоджон Машрапов (7-4) мезбонлар вакили Магомед Кабардиев (8-0)га қарши октагонга чиқди. 

Афсуски, Кабардиев иккинчи раундда Машраповни бўғиш усули билан мағлубиятга учратди ва чемпионлик камарини қўлга киритди.