30 авг 14:27
Янгиликлар

Теннис

Нигина Абдураимова ҳам чорак финалга чиқди

Хабар берганимиздек, Қозоғистоннинг Алмати шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 25 000 АҚШ долларини ташкил қилувчи мусобақада бир гуруҳ теннисчи қизларимиз ҳам ўз имкониятларини синовдан ўтказишяпти. Ҳозиргина улардан бири Нигина Абдураимова иккинчи давра учрашувида ғалабага эришди.

Мамлакатимизнинг иккинчи ракеткаси Алмати турнирида биринчи рақам остида ҳаракат қиляпти. У беларуслик Ирина Шиманович 2 соату 26 дақиқа давом этган баҳсда мағлуб этди. Аниқроғи, учинчи сетнинг олтинчи геймидан сўнг Ирина баҳсни давом эттира олмаслигини маълум қилди.Биринчи сетда Нигина 6:3 ҳисобида ғалаба қозонган эди. Иккинчи сетда Шиманович 6:2 ҳисобида зафар қучганди.