Нигина Абдураимова терма жамоадан кўра Швейцариядаги турнирни афзал кўрдими?

Эътиборга молик жиҳати шундаки, мамлакатимизнинг биринчи ракеткаси ҳисобланган Нигина Абдураимова ушбу турнирда терма жамоа шарафини ҳимоя қилмаяпти. 7 апрель куни эълон қилинган таркибимиздаёқ унинг исм-шарифи рўйхатда йўқ эди. 

Абдураимова бугун Швейцариянинг Кьяссо шаҳрида ўтказилаётган W60 турнирининг асосий тўр илк давра учрашувида кортга чиқади. Бизнинг вақт билан соат 16:00да бошланадиган ушбу баҳсда Нигина германиялик Мона Бартелга қарши баҳс олиб боради. 

Таққослаш учун, Абдураимова WTA рейтингида 186, Бартел  эса 201-ўринни эгаллаб турибди. Теннисчилар шу кунгача ўзаро бир маротаба тўқнаш келишган. 2018 йилнинг 25 сентябрь куни Тошкентда ўтган WTA турнирининг 1/16 финал босқичидаги учрашувда Мона 4/6, 6/3, 6/3 ҳисобларида ғалаба қозонган эди. 

Энди савол туғилади: Billie Jean King кубоги Нигинанинг режаларига кирмаган эдими ёки мураббийлар терма жамоадаги ёшларга имконият бериш учун биринчи ракеткамизни Европа турнирларидан безовта қилишмадими?