29 авг 16:32
Янгиликлар

Теннис

Нигина, Камола ва Оқгул ғалаба билан бошлашди, Арина ютқазди

Қозоғистоннинг Алмати шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 25 000 АҚШ долларини ташкил қилувчи мусобақада бир гуруҳ теннисчи қизларимиз ҳам ўз имкониятларини синовдан ўтказишяпти. Мусобақанинг биринчи рақамли иштирокчиси бўлган Нигина Абдураимова илк даврада яна бир ҳамюртимиз Полина Меренковани 6:4, 6:0 ҳисобида енгди.

Саралаш баҳслари орқали асосий тўрга етиб келган Камола Умарова қозоғистонлик Дарья Детковскаядан 6:1, 6:0 ҳисобида устун келди. Тажрибали теннисчимиз Оқгул Омонмуродова эса турнирнинг олтинчи ракеткаси, бразилиялик Габриэла Сени 6:4, 6:3 ҳисобида мағлуб этди. Арина Фольц россиялик Дарья Лодиковага 2:6, 2:6 ҳисобида ютқазди.