24 сен 10:20
Янгиликлар

Теннис

Нигина қатнашган турнирда ғолиб аниқланди, у дунёнинг 312-ракеткаси!

Россиянинг Санкт-Петербург шаҳрида теннис бўйича соврин жамғармаси 100 000 АҚШ долларидан иборат бўлган турнир якунланди.

Ҳамюртимиз Нигина Абдураимова иштирок этган ушбу мусобақанинг ҳал қилувчи финал учрашувида швейцариялик Белинда Бенчич украиналик 17 ёшли Даяна Ястремкаяга қарши кортга чиқди.

Бир соату 6 дақиқа давом этган баҳсда дунёнинг собиқ еттинчи ракеткаси, айни пайтда рейтингда 312-ўринни эгаллаб турган Бенчич 6:2, 6:3 ҳисобида зафар қучиб, бош мукофот соҳибасига айланди.