23 июн 09:15
Янгиликлар
Теннис
Нигина ва Сабинанинг чорак финалдаги рақибалари қозоғистонлик теннисчилар
Шу кунларда Фарғона шаҳридаги “Истиқлол” теннис кортларида “Фьючерс” туркумига кирувчи турнир давом этмоқда.
Соврин жамғармаси 25 000 АҚШ долларини ташкил қилувчи мусобақанинг яккалик баҳсларида бугун чорак финал учрашувлари ўтказилади. Ўйинларнинг иккитаси ҳамюртларимиз иштирокида бўлиб ўтади.
Эътиборлиси, уларнинг ҳар иккиси ҳам қозоғистонлик теннисчиларга қарши кортга чиқади. Мусобақанинг биринчи ракеткаси бўлган Сабина Шарипова саккизинчи рақам остида таснифланган Гўзал Айнитдинова билан тўқнаш келади.
Учинчи рақам остида ҳаракат қилаётган Нигина Абдураимова эса олтинчи ракетка Камила Керимбаева билан муносабатларига ойдинлик киритиб олади. Бугун бу икки теннисчимиз жуфтлик мусобақасининг ярим финалида ҳам кортга чиқишади.
Ҳавола :
Манба : olamsport.com
Фикрлар