Новак Жокович Australian Open'даги асосий рақиблари кимлигини айтди

Шунингдек, ёш авлоднинг энг кучли теннисчиларини алоҳида эътироф этди.

"Барча топ ўйинчилар асосий даъвогарлар, ҳар доим шундай бўлган. Циципас, Синнер, Зверев, Медведев ва мен каби фахрий Надаль. Ёш теннисчилар орасида Карлос Алькарас биринчи ўринда. Аммо афсуски у Мелбурнда ўйнамайди ва Холгер Рунени таъкидлашим жоиз.

Уларнинг иккаласи ҳам 19 ёшда ва Алькарас муносиб равишда рейтингда пешқадамлик қилмоқда. У ажойиб йилни ўтказди. Ўйлайманки, одамлар учун «Катта Дубулға» мусобақасини томоша қилиш ва чемпионликни ким қўлга киритишини кўриш жуда ҳаяжонли бўлади”, — деди Жокович Теннисга.