Новак Жокович: "Бу ғалабани ҳаётимдаги энг йириги деб аташ мумкин"

"Тан олишим керак-ки, бу ҳаётимдаги энг оғир турнирлардан бири бўлди. Мен ўтган йили бу турнирда қатнашмаган эдим, лекин бу йил қайтдим. Мени қабул қилган, Австралияда ўзимни қулай ҳис қилишимга ёрдам берган барчага раҳмат.

Мен бу кортда шунчаки энг яхши теннисимни намойиш этмайман. Бу "Род Лэйвер" каби афсоналар кўз олдида ўйнашдир. Мен бу лаҳзани ҳис қилиш учун ўзимни чимчилашни хоҳлайман. Сўнгги тўрт-беш ҳафта ичида нималарни бошдан кечирганимизни фақат менинг жамоам ва оилам билади. Барча вазиятларни инобатга олган ҳолда, бу ғалабани ҳаётимдаги энг йирик ғалаба деб аташ мумкин”, — дея Жоковичнинг сўзларини келтирган турнир матбуот хизмати.

Теннисчи шунингдек, ўз жамоаси ва оиласига ҳам мурожаат қилди.

"Биз жамоам ва оилам билан шу йўлдан келдик. Мен қандай бошлашни ва қандай тугатишни билмайман. Баъзан сиз характеримнинг энг ёмон томонларига чидашингиз керак, лекин мен сизнинг сабр-тоқатингиз, севгингиз ва қўллаб-қувватлашингизни қадрлайман. Шунча йиллар давомида мени кечирасизми, билмайман, лекин яна айтаман: бу кубок меники каби сизники ҳам".