25 мар 19:59
Янгиликлар

Қишки спорт турлари

Нохуш хабар. Олимпиада-94 чемпиони Лина Черязова вафот этди

Қишки олимпия ўйинларида ўзбекистонлик ягона чемпион, спортимиз афсонаси Лина Черязова энди орамизда йўқ.

У Россиянинг Новосибирск шаҳрида ўзининг 51 ёшида оламдан ўтди. Черязова 1994 йили Лиллихаммерда ўтказилган Олимпиаданинг фристайл баҳсларида чемпионлик шохсупасига кўтарилган эди. Лина қўлга киритган олтин медал ўзбек спортида ҳозиргача ягоналигича қолмоқда.

Бундан ташқари, Лина Черязова 1993 йили жаҳон чемпиони ҳам бўлган. 1990 ва 1991 йилларда собиқ СССР чемпионига айланган. У уч йилдан бери буйрак касалидан азият чекиб келаётганди. Лина 1999 йилда онаси туғилган Новосибирск шаҳрига кўчиб ўтганди.

Лина Черязова Ўзбекистон Республикасида хизмат кўрсатган спортчи, "Ўзбекистон ифтихори" фахрий унвони билан тақдирланган эди.