15 май 14:23
Янгиликлар

Футбол

Нойер Германиянинг ЖЧ учун кенгайтирилган қайдномасига киритилди

Журналист Флориан Плеттенбергнинг хабар беришича, "Бавария" дарвозабони Мануэль Нойер Германиянинг Жаҳон чемпионати учун дастлабки таркибидан жой олди.

Манбанинг маълумотларига қараганда, Германия терма жамоаси бош мураббийи Юлиан Нагельсманн 40 ёшли дарвозабонни 55 нафар футболчидан иборат кенгайтирилган рўйхатга киритган. Рўйхатда 5 нафар дарвозабон борлиги айтилмоқда.

Нойер 2024 йилнинг август ойида миллий терма жамоадан кетганини эълон қилганди. Дарвозабон ушбу мавсум барча мусобақаларда 36 ўйинда қатнашиб, 11 тасида дарвозаси дахлсизлигини сақлаб қолди.

"Немис машинаси" мундиаль "E" гуруҳида Кюрасао, Кот-д'Ивуар ва Эквадор билан рўбарў келади.