02 ноя 18:06
Янгиликлар
Футбол
Нойер тери саратонига чалиниб, учта операцияни бошдан кечирганини маълум қилди
Мюнхеннинг "Бавария" клуби ва Германия терма жамоаси дарвозабони Мануэль Нойер тери саратони туфайли учта операцияни бошдан ўтказганини очиқлади.
"Менинг шахсий тарихимда тери касаллиги бор. Менинг юзимда тери саратони бор эди. Шу сабабли уч марта жарроҳлик амалиётини бошдан кечиришимга тўғри келди. Энди мен қуёшдан ҳимояланишга кўпроқ эътибор беряпман. Мен доимо очиқ ҳавода машқ қилиб, бўш вақтимни табиат қўйнида ўтказишни яхши кўраман", – деди Нойер.
Эслатиб ўтамиз, Нойер 2011 йилдан бери "Бавария"да ўйнаб келмоқда. Футболчи "Шальке" тарбияланувчиси ҳисобланади. Дарвозабон 2009 йилдан буён Германия терма жамоасига мунтазам чақириб келинади. У 2014 йилда Германия терма жамоаси таркибида Жаҳон чемпиони бўлган, шунингдек, Бразилияда бўлиб ўтган мундиалда энг яхши дарвозабон деб топилган.
Ҳавола :
Манба : Sport1.de
Фикрлар