05 апр 19:38
Янгиликлар

Дзюдо

Нуриллаев Туркия Гран-Приси вице-чемпиони

Хабар берганимиздек, Туркиянинг Анталия шаҳрида дзюдо бўйича Гран-При туркумига кирувчи нуфузли турнир давом этмоқда.

Ҳозиргина -60 кг вазн тоифасидаги ҳамюртимиз Кемран Нуриллаев ҳал қилувчи финал учрашувида татамига чиқди. Унинг рақиби қозоғистонлик Йелдос Сметов бўлди. Беллашувда юртдошимиз иппон баҳоси билан мағлубиятга учраб, терма жамоамизга Туркия Гран-Присининг кумуш медалини тақдим этди.

Маълумот учун, Кемран Нуриллаев финалга қадар Хитой Тайпейи вакили Кун-Лин Йе, туркиялик Бекир Озлу, болгариялик Янислав Герчев, озарбайжонлик Орхан Сафаров ҳамда яна бир турк дзбдочиси Михрач Аккушни мағлубиятга учратган эди.