Нурмагомедов: "Ҳаммасини Ислам Махачевнинг маслаҳати ҳал қилди"

Ушбу жангда у америкалик рақибини биринчи раунддаёқ нокаутга учратиб, ўз камарини муваффақиятли ҳимоя қилганди. Бу Усман учун Америка ташкилоти билан тузилган шартнома бўйича сўнгги жанг эди.

Россиялик спортчининг сўзларига кўра, унинг ғалабасида бурчагида турган Ислам Махачевнинг маслаҳати ҳал қилувчи рол ўйнаган.

"Ҳаммасини Исламнинг маслаҳати ҳал қилди. У менга: "Оёқ билан олдинга зарба бераётгандек кўрсат-да, бош қисмига ҳай-кик йўлла", деди. У чап қўл устунлигида буни яхши бажаришимни билади. У айтиши билан бажардим ва зарба нишонга тегди. Бу у айтган ва мен бажарган, натижа берган иккинчи ҳолат. Ислам – олтин бурчак вакили", – деди Нурмагомедов.

Шунингдек, Нурмагомедов UFC`га ўтишни кечиктириши ва Жейк Полнинг Most Valuable Promotions компанияси томонидан сотиб олинган лига билан янги шартнома имзолаши мумкинлигини истисно қилмади.

"Жейк Пол Дана Уайтнинг миллиардлик компанияси борлиги, лекин у жангчиларга ҳеч нарса тўламаслиги ҳақида кўп гапиради. Мана, энди PFL билан бирлашув юз берди, менинг шартномам эса тугади. Ҳозир у қандай тўлашини кўрамиз. Агар гапирган бўлсанг – энди буни қандай қилиш кераклигини кўрсат. Лекин яна бир бор айтаман, ҳатто улар менга юз миллион тўлашса ҳам, мен устозларим айтганини қиламан, чунки пул – ҳаммаси эмас", – деб тушунтирди Нурмагомедов.

Жангдан сўнг Жейк Пол Нурмагомедов Колганнинг бурчагида бўлган UFC`нинг амалдаги чемпиони Жастин Гэтжини осонликча мағлуб этиши мумкинлигини айтди, бироқ россиялик жангчи америкалик спортчи ҳақидаги бундай гапларни маъқулламади.

"Промоутер сифатида Жейк Пол кўп гапиради, бу табиий. Лекин жангчи сифатида, аслида у жангчи эмас – у шунчаки Youtube'дан келган, кўп пул ишлаган йигит, жангчилар эса бошқача яшашади. Агар ҳақиқий жангчиларни кўрмоқчи бўлсангиз – залимга келинг.

Агар кимдир Жастинга ҳурмат кўрсатмаса – очиғини айтганда, бу ёмон. Жастин Гэтжи – афсона, мен унинг ҳозир чемпион эканлигидан жуда хурсандман ва унга энг эзгу тилакларни тилайман", – деди Нурмагомедов тадбирдан кейинги матбуот анжуманида.