25 дек 08:38
Янгиликлар
Нурмагомедов судни Россияга кўчиришни талаб қиляпти
Нурмагомедов UFC президенти Дана Уайтга Невада штати Атлетик комиссиясининг Конор ва Хабиб жанги юзасидан ташкил этиладиган суд жараёнини Россияда ўтказишни таклиф қилди.
Хабарингиз бор, бу икки спортчи ўртасидаги жанг якунланиши билан октагон ва унинг ташқарисида муштлашув ҳамда тартибсизлик юзага келган эди. Невада штати Атлетик комиссияси айнан мана шу иш юзасидан суд жараёнини бошлаган.
“Суд жараёни Россияда ўтказилсин!”, - дея ўзининг Твиттер саҳифасида мурожаатнома қолдирган Нурмагомедов.
Эслатиб ўтамиз, Невада штати Атлетик комиссияси иккала спортчининг ҳам лицензиясини тўхтатиб қўйган. Шунингдек, Нурмагомедовнинг жанг учун ваъда қилинган гонорардан 2 миллион доллар улушни ҳам музлатиб қўйган. Суд аввалига 10 декабрь куни ўтиши керак эди. Лекин кейинчалик 29 январга кўчирилди.
Фикрлар