16 июл 13:28
Янгиликлар

Бокс/ММА

Нурмагомедов ва Макгрегор ЖЧ-2018 финалига ташриф буюрди

Аралаш қоидалар бўйича икки вазн тоифасида собиқ UFC чемпиони Конор Макгрегор Москвага ташриф буюрди ва мундиал финалини бевосита “Лужники” стадионида томоаша қилди.

Учрашув якунлангач у Россия Федерацияси Президенти Владимир Путин билан суратга тушди.

“Мени Россия Президенти Владимир Путиннинг фахрий меҳмони сифатида финалга таклиф қилишди, - деди Конор Инстаграм саҳифасида. - Владимир Владимирович замонамизнинг энг кучли ва буюк инсонларидан бири. Тўрт йилликнинг энг нуфузли мусобақаси финалини у билан бирга томоша қилиш бахти насиб этганидан хурсандман.

Ушбу финал ўйинига енгил вазнда UFC чемпиони россиялик Хабиб Нурмагомедов ҳам ташриф буюрди. Йил сўнггида Конор ва Хабиб октагонда тўқнаш келишади. “Болаликдаги орзуим амалга ошди. Мен Жаҳон чемпионати финалини стадионда томоша қилишни орзу қилардим”, - дея ўзининг Инстаграм саҳифасида хабар қолдирган Хабиб.