26 авг 07:59
Янгиликлар

Бокс/ММА

Нурсултон Рўзибоев Париж шаҳрига жўнаб кетди + ФОТО

Ҳамюртимиз 5 сентябрь куни Париж шаҳрида бўлиб ўтадиган UFC Fight Night 287 турнирида англиялик Майкл "Веном" Пейжга қарши октагонга кўтарилади.

Рўзибоев жанг олдидан АҚШдаги спарринг машғулотларини якунлади. Вазн ташлаш жараёни Париж шаҳрида давом эттирилади. Келаси ҳафтадан медиа тадбирлар ҳам бошланади.

Маълумот учун, Нурсултон Рўзибоев фаолияти давомида ҳозирга қадар 48 та жанг ўтказиб, 37 ғалаба, 9 мағлубият ва 2 та дуранг қайд этган. У 27 июнь куни Боку (Озарбайжон) шаҳри мезбонлик қилган UFC Fight Night турнирида россиялик Андрей Пуляевни биринчи раунддаёқ сабмишен орқали таслим этиб, ғалабали сериясини учтага етказиб олганди.

39 ёшли Майкл Пейж ҳисобида эса 25 та ғалаба ва 3 та мағлубият бор. У ҳам охирги учта жангини муваффақиятли ниҳоялаган. Шара Буллет, Жаред Каннонир ва Сэм Петтерсон унинг сўнгги "ўлжалари" эди.