Нурсултон Рўзибоев: "UFC'да ўзим хоҳлаган жангларимни беришганида..."

"Бокуда жанг қилаётганимдан хурсандман. Кўпчилик мухлислар жангларимнинг фақат АҚШда эмас, балки Абу-Даби каби Ўзбекистонга яқинроқ жойларда ҳам бўлишини хоҳлашади. Шундай бўлган тақдирда мухлислар келиб, мени қўллаб-қувватлай олади. 

Рақиб ҳақида гапирадиган бўлсам, UFC'да менга кимни беришса, жанг қилиш керак. Бу сафар Пульяевни таклиф қилишди, мен дарҳол рози бўлдим. У кучли ва яхши жангчи. UFC'да 2-3 та жанг ўтказган, шу сабаб бу жанг мени тўлиқ қониқтиради. Агар UFC'да ўзим хоҳлаган жангларимни беришганида, мен аллақачон топ даражага чиққан бўлардим", деди Рўзибоев.

Маълумот учун, Нурсултон Рўзибоев ва россиялик Андрей Пульяев иштирокидаги жанг 27 июнь куни Озарбайжон пойтахти Боку шаҳридаги турнир доирасида ўтказилади.