18 фев 20:55
Янгиликлар

Дзюдо

Обидхон Номонов Тел-Авив "Катта Дубулға" турнири финалида татамига чиқди

Тел-Авив "Катта Дубулға" турнирининг иккинчи кунги баҳслари ўз ниҳоясига етиб бормоқда.

Ҳозиргина -73 кг вазн тоифасидаги ҳал қилувчи финал учрашуви якунланди. Унда дзюдочимиз Обидхон Номонов жаҳон чемпионати совриндори, Европа чемпиони, озарбайжонлик Ҳидаят Ҳейдаровга қарши баҳс олиб борди. Муросасиз баҳсда ҳамюртимиз номдор рақибига қўшимча дақиқадаги вазари баҳоси эвазига имкониятни бой бериб, Тел-Авив "Катта Дубулға" турнири кумуш медали соҳибига айланди.

Эътиборга молик жиҳати шундаки, Обидхон Номонов фаолиятида илк бор финалда иштирок этди ва кумуш медални яхши натижа сифатида қабул қилиш мумкин. Дзюдочимиз кумуш медал билан бирга қимматли 700 рейтинг очкосини қўлга киритди.

Таққослаш учун, Обидхон Номонов жаҳон рейтингида 66, Ҳидаят Ҳейдаров эса 8-ўринни эгаллаб турибди.