ОЧЛ. 1/8 финал. “Ал Айн” ўз уйида “Истиқлол”ни “сочиб” ташлади

Жумладан, БААнинг “Ал Айн” клуби ўз майдонида Эроннинг “Истиқлол” жамоасини қабул қилиб, йирик 6:1 ҳисобида ғалаба қозонди. Кайо ва Умар Абдулраҳмон учрашувда дублга эришишди.

Бу икки жамоанинг Эронда ўтган илк ўйинида “Истиқлол” 1:0 ҳисобида устун келганди. Ўшанда ўйиндаги ягона гол Кавеҳ Ризои томонидан асосий вақтга қўшиб берилган дақиқада пенальтидан киритилганди.

Шу тариқа, икки ўйин натижасига кўра “Ал Айн” жамоаси ОЧЛнинг чорак финалига йўл олди.