18 окт 09:21
Янгиликлар

Футбол

ОЧЛ-2017. Биринчи финалчи - "Ал Ҳилол"!

Кеча Осиё чемпионлар лигаси ярим финалида биринчи жуфтликнинг жавоб учрашуви бўлиб ўтди.

Унда Эроннинг "Персеполис" ва Саудия Арабистонининг "Ал Ҳилол" клублари тўқнаш келишди. Дастлабки учрашувда "Ал Ҳилол" 4:0 ҳисобида зафар қучган эди. Кечаги баҳсда эса 2:2 ҳисоби қайд этилди ва Саудия Арабистони клуби финалга йўл олди.

Иккинчи финалчи "Урава Ред Даймнодс" (Япония) ва "Шанхай СИПГ" (Хитой) учрашувидан кейин маълум бўлади. Хитойда ўтган илк ўйинда 1:1 ҳисоби қайд этилганди.

"Персеполис" (Эрон) - "Ал Ҳилол" (Саудия Арабистони)

Голлар: Годвин Менсха 16, 62 - Омар Харбин 30, 76