25 апр 08:05
Янгиликлар

Футбол

ОЧЛ. "Бунёдкор" 3 йилдан сўнг гуруҳ босқичида ғалаба қозонди

Осиё чемпионлар лигаси 5-турида "Бунёдкор" ўз уйида Саудия Арабистонининг "Ал Аҳли" клубини 2:0 ҳисобида мағлуб этди.

Шу тариқа, "Бунёдкор" 3 йиллик танаффусдан сўнг ОЧЛ гуруҳ босқичида ғалабага эришди. Сўнгги бор "қалдирғочлар" 2014 йилнинг 23 апрель санасида "Ал Жайиш"ни мағлуб этганди.

Шундан сўнг, кетма-кет 18та учрашувда "Бунёдкор" ОЧЛ мусобақасида (саралаш ва плей-офф баҳслари инобатга олинмаган) умуман ғолиб бўла олмаганди.

Айни пайтда "Бунёдкор" 5та ўйиндан сўнг 3 очко билан ўз гуруҳида сўнгги ўринда бормоқда.