12 сен 13:34
Янгиликлар

Футбол

Одил Аҳмедов: "Барчаси яхши бўлишига ишонаман"

Ўзбекистон миллий термаси сардори Одил Аҳмедов Эронга (0:1) қарши ўртоқлик учрашувидан кейинги фикрлари билан ўртоқлашди.

“Ўйин қийин ўтди. Эрон термаси барибир биздан анчагина юқори жамоа. Уларга қарши ўйин шуни кўрсатиб бердики, биз ўз устимизда ҳали анчагина ишлашимиз керак. Ўйин давомида кўплаб камчиликларга йўл қўйдик. Буни вақтлар давомида тўғрилай оламиз.

Сурияга қарши ўйинда ҳам, Эронга қарши учрашувда ҳам бир хил тактика, бир хил кўрсатмалар билан ўйнадик. Услуб ва таркибда ўзгаришлар бўлди. Ҳозирча янги бош мураббийнинг ўйин услубига тўлиқлигича мослаша олмадик. Шу боисдан, натижаларда бироз оқсадик.

Эктор Купер терма бош мураббийлигига келганига кўп вақт бўлгани йўқ. Шу боисдан барчаси яхши бўлишига ишонаман. Олдинда ўртоқлик ўйинлари етарлича. Ушбу баҳслар орқали Осиё кубогига яхши тайёрлана оламиз”, - деди Одил Аҳмедов.