14 сен 13:20
Янгиликлар
Теннис
Одил Каримов Ashgabat Cup турнири чорак финалида!
Ўсмир теннисчиларимиздан икки нафари Туркманистон пойтахти Ашхобод шаҳрида давом этаётган Ashgabat Cup турнирида иштирок этяпти.
Турнирда иккинчи рақам остида таснифланган Одил Каримов илк даврада мезбонлар вакили Пикам Непесовни 6:0, 6:1 ҳисобида мағлуб этганди. Кеча ҳамюртимиз иккинчи босқичда эронлик Сина Моғимидан 6:4, 6:3 ҳисобида устун келди.
Энди Одил Каримов бугун ярим финал чиптаси учун кечадиган баҳсда турнирнинг олтинчи ракеткаси, туркманистонлик Хаджимурот Чориевга қарши кортга чиқади.
Яна бир теннисчимиз Алишер Носиров эса асосий тўрга саралаш баҳслари орқали етиб келганди. У асосий тўрнинг илк даврасида туркманистонлик Алланур Дайанжевга ҳеч қандай имконият қолдирмади - 6:0, 6:0. Лекин у иккинчи босқичда яна бир мезбон теннисчи Арлан Орашевга 1:6, 3:6 ҳисобида ютқазиб қўйди.
Ҳавола :
Манба : olamsport.com
Фикрлар