13 апр 08:35
Янгиликлар

Бокс/ММА

Олимпиада чемпиони 11 июль куни UFC’да дебют қилади

Эркин кураш бўйича Олимпия ўйинлари чемпиони Гейбл Стивсон UFC`даги дебютини 11 июль куни UFC 329 турнирида ўтказади.

Промоушен 25 ёшли америкалик спортчи билан шартнома имзолангани ва унинг дебют жанги санасини 11 апрель куни Майамидаги UFC 327 турнири трансляцияси пайтида эълон қилди.

2020 йилги Олимпиадада олтин медални қўлга киритгандан сўнг, Стивсон WWE кураш лигасида иштирок этди. Кейин аралаш қоидалар асосидаги беллашувларда учта жанг ўтказди ва уларнинг барчасида биринчи раунддаёқ техник нокаут эвазига ғалаба қозонди.

У икки вазн тоифасида собиқ UFC чемпиони Жон Жонс қўл остида машғулот ўтказади. Стивсоннинг рақиби кейинроқ эълон қилинади.